Державная икона Божией Матери

       "Державная" икона Божией Матери явила себя русскому православному народу 15 марта 1917 года, в день отречения царя-мученика Николая Александровича от престола.

       Жительнице слободы Перерва крестьянке Евдокии Адриановой во сне был голос: "Есть в селе Коломенском большая черная икона. Ее нужно взять, сделать красной, и пусть молятся". Благочестивая женщина стала молиться о получении более ясных указаний и спустя две недели увидела во сне белую церковь; в ней величественно восседала Женщина, в Которой она сердцем почувствовала Царицу Небесную. Евдокия отправилась в Коломенское и сразу узнала виденную во сне Вознесенскую церковь.

       По ее просьбе настоятель храма принялся за поиски образа и нашел - в подвале среди старых досок и рухляди, в пыли. Когда большую, узкую, почерневшую от старости икону промыли, открылось изображение Богоматери, восседающей на троне с Богомладенцем. Царица Небесная была написана со знаками царской власти: в красной порфире, с короной на голове и скипетром и державой в руках - откуда и произошло название "Державная".

       Празднование: 15 марта (2 марта ст.ст.) - в память явления в 1917 г.

Тропарь, глас 8

       Ангелов лицы благоговейно Тебе служат / и вся Небесныя силы немолчными гласы Тя ублажают, Богородице Дево; / усердно молим Тя, Владычице, / да пребудет Божественная благодать на честней иконе Твоей "Державней", / и светозарный луч славы чудес Твоих да нисходит от Нея // на всех с верою Тебе молящихся и вопиющих Богу: Аллилуиа.

Тропарь, глас 4

       Града Сионска взыскующе, / под Твой покров, Дева Чистая, днесь притекаем, / и никтоже возможет на ны, / яко несть град силен, аще не Сущаго Бога, // и несть ина крепость, аще не милость Владычицы Девы.

Кондак, глас 8

       Взбранной Воеводе победительныя песни приносим, / яко даровася нам Держава Твоя, / и ничесоже устрашимся, не от мира бо спасение наше, / но превознесенныя Владычицы милосердием ограждаемся // и тому днесь радуемся, яко прииде Заступница на стражу земли Своея.

Величание

       Величаем Тя, Пресвятая Дево, Богоизбранная Отроковице, и чтим Державный образ святыни Твоея, имже подаеши велию милость всем, с верою к нему притекающим.

Молитва первая

       О, Державная Владычице Пресвятая Богородице, на объятиях Своих держащая Содержащаго всю вселенную Царя Небеснаго! Благодарим Тя за неизреченное милосердие Твое, яко благоволила еси явити нам, грешным и недостойным, сию святую и чудотворную икону Твою во дни сия лукавыя и лютыя, яко вихрь, яко буря внутренняя нашедшая на страну нашу, во дни уничижения нашего и укорения, во дни разорения и поругания святынь наших от людей безумных, иже не точию в сердце, но и устнами дерзостно глаголют: несть Бог: и в делех сие безбожие показуют. Благодарим Тя, Заступнице, яко призрела еси с высоты святыя Своея на скорби наша и горе нас православных, и яко солнце светлое, увеселяеши изнемогшия от печали очеса наша пресладостным зрением Державного образа Твоего. О, Преблагословенная Мати Божия, Державная Помощнице, крепкая Заступнице! Благодаряще Тя со страхом и трепетом, яко раби непотребнии, припадаем Ти со умилением, с сокрушением сердечным и со слезами, и молим Тя и стеняще вопием Ти: спаси нас, спаси! Помози нам, помози! Потщися: погибаем! Се живот наш аду приближися: се обышедше обыдоша нас греси мнози, беды мнози, врази мнози. О, Небесная Царице! Скипетром власти Твоея Божественныя разсей, яко прах, яко дым, нечистивыя козни врагов наших видимых и невидимых: сокруши велеречивыя помышления их и запрети им: и яко Мати всех, на путь правый и богоугодный настави их. Вкорени в сердца всех нас правду, мир и радость о Дусе Святе: водвори в стране нашей тишину, благоденствие, безмятежие, любовь друг ко другу нелицемерную. Державою Твоею всесильною удержи, Пречистая, потоки беззакония, хотящия потопити Землю Русскую в страшней пучине своей. Поддержи нас слабых, малодушных, немощных и унылых, укрепи, возстави и спаси: яко да под Державою Твоею всегда храними, поем и величаем Пречестное и Великолепое имя Твое, ныне и присно и во веки веков. Аминь.

Молитва вторая

       О мира Заступнице, Мати Всепетая! Со страхом, верою и любовию припадающе пред честною иконою Твоею Державною, усердно молим Тя: не отврати лица Твоего от прибегающих к Тебе. Умоли, милосердная Мати Света, Сына Твоего и Бога нашего, Сладчайшего господа Иисуса Христа, да сохранит в мире страну нашу, да утвердит державу нашу в благоденствии и избавит нас от междоусобныя брани, да укрепит святую Церковь нашу Православную, и незыблему соблюдет ю от неверия, раскола и ересей. Не имамы бо иныя помощи, разве Тебе, Пречистая Дево: Ты еси всесильная христиан Заступница пред Богом, праведный гнев Его умягчающая. Избави всех, с верою Тебе молящихся, от падений греховных, от навета злых человек, от глада, скорбей и болезней. Даруй нам дух сокрушения, смирение сердца, чистоту помышлений, исправление греховныя жизни и оставление согрешений наших; да вси, благодарна воспевающе величия Твоя, сподобимся Небеснаго Царствия и тамо со всеми святыми прославим пречестное и великолепое имя в Троице славимаго Бога: Отца, Сына и Святаго Духа. Аминь.

       Загрузить акафист с ударениями

       Список cвятынь